Ցիստիտ և այտուցներ. ինչ պետք է իմանալ
Հաճախ կանայք դիմում են ընդունելության՝ բողոքելով աչքերի տակ այտուցից կամ «տոպրակներից», միաժամանակ նշելով, որ տարիներ շարունակ տառապում են ցիստիտով:
Միզապարկը մեզի կուտակման համար նախատեսված խոռոչ մկանային օրգան է: Ցիստիտը միզապարկի լորձաթաղանթի (ամենաներքին շերտի) բորբոքային պրոցես է, որն ազդում է մեզի կուտակման վրա: Լորձաթաղանթի բորբոքման պատճառով հիվանդի մոտ հաճախ առաջանում է հաճախամիզություն՝ փոքր քանակություններով, երբեմն կաթիլ-կաթիլ, ինչն ուղեկցվում է ուժեղ այրոցով և ցավոտ անհանգստությամբ:
Միզապարկի բորբոքումը չի կարող այտուց առաջացնել. միզապարկը շարունակում է մեզ արտազատել նույնիսկ բորբոքված վիճակում՝ ավելի հաճախ, քան նորմայում: Բոլորին հայտնի է, որ հաճախամիզությունը ցիստիտի բնորոշ ախտանիշ է. ուրեմն այտուցները ո՞րտեղից կգան:
Ի՞նչ է իրականում առաջացնում «տոպրակներ» աչքերի տակ
Աչքերի տակ ուռածության պատճառները, որոնք կապ չունեն ցիստիտի հետ.
- Դեմքի կառուցվածքի և մաշկի անհատական առանձնահատկություններ:
- Տարիքային մաշկային փոփոխություններ՝ հաճախ կապված քաշի ավելացման հետ:
- Երեկոյան ավելորդ աղած սնունդ, հեղուկ կամ ալկոհոլ ընդունելը:
- Անհարմար բարձ կամ գլխի անբարենպաստ դիրք քնի ժամանակ:
- Ռինիտ, սինուսիտ, կոնյուկտիվիտ:
- Երիկամների խրոնիկ հիվանդություն՝ ուղեկցվող երիկամների ֆունկցիայի նվազմամբ:
- Հորմոնային փոփոխություններ (նախադաշտանային շրջան):
- Հոգնածություն, քնի պակաս, խրոնիկ սթրես:
Եզրակացություն. ցիստիտի դեպքում դեմքի այտուց չի լինում, և ցիստիտը չի կարող նման այտուցի պատճառ հանդիսանալ:
Եթե Դուք ունեք ցիստիտի ախտանիշներ, օգտվեք Yellow Butterfly արագ թեստից: Եթե այտուց է հայտնվում, դիմեք ընդհանուր բժշկի կամ նեֆրոլոգի: